Bólusetningar við COVID-19 og inflúensu fyrir áhættuhópa á HSN Blönduósi og Skagaströnd

Boðið verður upp á örvunarskammt af bóluefni við COVID-19 og inflúensu bólusetningu fyrir 60 ára og eldri og áhættuhópa í byrjun október.

Bólusetningin fer fram á HSN Blönduósi

• Miðvikudaginn 5. október
• Fimmtudaginn 6. október

Nauðsynlegt er að panta tíma í síma 4324100

Sóttvarnarlæknir hefur nú heimilað að gefa á sama tíma bóluefni við COVID-19 og bóluefni við inflúensu.
Við tímapöntun skal taka fram hvort menn ætla að þiggja báðar sprauturnar eða bara aðra. 

Áhættuhópar sem eru í forgangi fyrir bæði inflúensu- og COVID-19 bólusetningar eru:

• Allir einstaklingar 60 ára og eldri.
• Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum.
• Barnshafandi konur.       
• Heilbrigðisstarfsmenn sem annast einstaklinga í áhættuhópum sem taldir eru upp hér að ofan.

Bólusetningar við COVID-19 og inflúensu fyrir þá sem ekki eru í áhættuhópi

Bólusetningin fer fram á HSN Blönduósi

• Miðvikudaginn 12. október

Nauðsynlegt er að panta tíma í síma 432 4100 

Bólusetning við COVID-19 verður landsmönnum áfram að kostnaðarlausu en innheimt verður hefðbundið komugjald fyrir bólusetningu við inflúensu.