Laust starf - Umsjónarmaður félagsstarfs 60+
23.07.2026
Sveitarfélagið Skagaströnd auglýsir laust til umsóknar starf umsjónarmanns félagsstarfs 60+.
Í starfinu felst utanumhald starfseminnar, rekstur á rými starfsins í Fellsborg og önnur tilfallandi verkefni.
Umsjónarmaður félagsstarfsins þarf að vera þjónustulundaður, jákvæður og hafa áhuga á að takast á við fjölbreytt verkefni sem starfseminni fylgja. Þekking og/eða reynsla í hannyrðum er kostur.
Félagsstarfið hefur farið fram í Félagsheimilinu Fellsborg frá 14:00 - 17:00 á mánudögum og fimmtudögum.
Gert er ráð fyrir 20% starfshlutfalli og launakjör eru samkvæmt kjarasamningum Sambands íslenskra sveitarfélaga og viðkomandi stéttarfélags.
Ragnheiður Stefánsdóttir, staðgengill sveitarstjóra veitir frekari upplýsingar um starfið í síma 866 8789 eða með tölvupósti á netfangið sveitarstjori@skagastrond.is.
Umsókn ásamt stuttu kynningabréfi skal senda á netfangið sveitarstjori@skagastrond.is. Umsóknarfrestur er til og með 9. ágúst næstkomandi.
