Atkvæðagreiðsla utan kjörfundar vegna sveitarstjórnarkosninga 16. maí 2026

Atkvæðagreiðsla utan kjörfundar vegna sveitarstjórnarkosninga 16. maí 2026 er hafin.

Greiða má atkvæði utan kjörfundar á kjörstöðum innan umdæmisins sem hér segir:

• Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00.
• Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00.
• Hvammstanga, ráðhúsi Húnaþings vestra að Hvammstangabraut 5, Hvammstanga, mánudaga - fimmtudaga kl. 10:00 - 14:00 og föstudaga kl. 10:00 - 12:00.
• Skagaströnd, stjórnsýsluhúsi að Túnbraut 1-3, Skagaströnd, mánudaga - fimmtudaga kl. 10:00 - 12:00 og 13:00 - 15:00.

Fimmtudaginn 7. maí nk. verður opið til kl. 18:00 á skrifstofum sýslumanns að Hnjúkabyggð 33, Blönduósi og Suðurgötu 1, Sauðárkróki. Uppstigningardag, 14. maí nk., verður opið á báðum skrifstofum milli kl. 11:00 – 13:00. Á kjördag, 16. maí nk., verður opið á báðum skrifstofum milli kl. 10:00 – 14:00.

Atkvæðagreiðsla á heilbrigðisstofnunum innan umdæmisins fer fram sem hér segir:

• HSN Blönduósi, Flúðabakka 2, Blönduósi, mánud. 4. maí kl. 13:00 – 15:00.
• HSN Sauðárkróki, Sauðárhæðum, Sauðárkróki, þriðjud. 5. maí kl. 13:00 – 15:00.
• HVE Hvammstanga, Spítalastíg 1, Hvammstanga, þriðjud. 5. maí kl. 10:00 – 12:00.
• Sæborg Skagaströnd, Ægisgrund 14, Skagaströnd, mánud. 4. maí kl. 10:30 – 11:30.

Atkvæðagreiðsla í heimahúsi:

Kjósandi, sem vegna sjúkdóms, fötlunar eða barnsburðar, getur hvorki sótt kjörfund né kosið utan kjörfundar, getur óskað þess að greiða atkvæði í heimahúsi. Skrifleg umsókn studd vottorði lögráða manns um hagi kjósandans skal hafa borist kjörstjóra eigi síðar en kl. 10:00 fimmtudaginn 14. maí. Mælst er til að beiðnir þessa efnis berist kjörstjóra án ástæðulauss dráttar.

Ábyrgð á atkvæði:

Athygli er vakin á því að kjósandi ber sjálfur ábyrgð á að koma atkvæði til skila, kjósi hann utan kjörfundar hjá kjörstjóra í umdæmi sýslumanns þar sem hann á ekki lögheimili. Nægjanlegt er að koma bréfi með utankjörfundaratkvæði í einhverja kjördeild þess kjördæmis þar sem kjósandinn er á kjörskrá. Kjörstjóri annast póstsendingu atkvæðis að beiðni kjósanda. Allir kjósendur, sem greiða atkvæði utan kjörfundar á kjördag, bera sjálfir ábyrgð á að koma atkvæði sínu til skila.

Kjósendur skulu framvísa persónuskilríkjum við kosninguna (ökuskírteini, vegabréfi eða nafnskírteini).

Vakin er athygli á að unnt er að kjósa utan kjörfundar á skrifstofum sýslumanna um land allt.

Ýmsar upplýsingar og eyðublöð vegna komandi kosninga má fá á vefsíðunni www.kosning.is