Hafnarvörður - starfsauglýsing
Skagaströnd auglýsir eftir kraftmiklum hafnarverði.
Skagaströnd er fallegt sjávarþorp á Norðurlandi vestra.
Íbúar í Sveitarfélaginu Skagaströnd eru um 480 og starfsmenn þess um 48 talsins.
Hafnarvörður sinnir daglegum verkefnum á Skagastrandarhöfn.
Lagt er upp með 50-70% stöðugildi.
Helstu verkefni
Hafnarvörður starfar við leiðsögn og öryggiseftirlit við höfn og sinnir verkefnum hafnarvarða, s.s. vigtun afla, samskipti við Fiskistofu, móttöku og röðun skipa í höfn, afgreiðslu vatns og rafmagns til skipa og tilfallandi viðhaldsvinnu. Hafnarvörður sér einnig um vinnslu og útgáfu reikninga til viðskiptavina hafnarinnar. Þá vaktar hann sömuleiðis síma utan dagvinnutíma.
Hæfniskröfur
- Réttindi sem löggiltur vigtarmaður eða vera tilbúinn til að sækja námskeið til öflunnar slíkra réttinda og standast próf
- Reynsla af sambærilegu starfi kostur
- Góð tölvukunnátta
- Skipulögð og sjálfstæð vinnubrögð
- Jákvæðni og lausnamiðuð nálgun verkefna
- Lipurð í mannlegum samskiptum og góð þjónustulund
- Umsækjandi þarf að vera 20 ára eða eldri og með hreint sakarvottorð
Laun og starfskjör eru samkvæmt gildandi kjarasamningum Sambands íslenskra sveitarfélaga við viðkomandi stéttarfélag.
Umsóknum skal skila á netfangið katrin@kradgjof.is. Umsóknarfrestur er til og með 29. maí og æskilegt að starfsmaður geti hafið störf sem fyrst. Upplýsingar um starfið er hægt að nálgast með því að senda fyrirspurn á netfangið fulltrui@skagastrond.is.
