Höfðaskóli fær 20 fartölvur að gjöf

Í vetur sótti Höfðaskóli um styrk hjá Forriturum framtíðarinnar og fékk skólinn þær gleðilegu fréttir í morgun að styrkumsóknin var samþykkt!

Á heimasíðu skólans segir:

Styrkurinn felst í 20 notuðum fartölvum sem Landsbankinn gefur og munu þær nýtast í kennslu á unglingastigi skólans.

Við erum afar þakklát fyrir þessa góðu gjöf og hlökkum til að taka tölvurnar í notkun með nemendum.

Bestu þakkir til Forritara framtíðarinnar og Landsbankans

Frábært verkefni hjá Höfðaskóla! Innilega til hamingju!