Sumarstörf hjá sveitarfélaginu

Sveitarfélagið Skagaströnd auglýsir eftir starfsfólki í sumarstörf:

- Flokkstjórum til starfa í Vinnuskóla sveitarfélagsins 

Umsækjendur þurfa að vera 18 ára eða eldri. Kostur er ef viðkomandi hefur reynslu af sambærilegum störfum.

Ráðningartímabil: 1. júní - 30. júní með möguleika á framlengingu.

Nánari upplýsingar veitir sveitarstjóri í síma 455-2700 en einnig er hægt að senda fyrirspurn á netfangið: sveitarstjori@skagastrond.is
Umsóknum skal skilað á skrifstofu sveitarfélagsins eða í tölvupósti til sveitarstjóra. Umsóknareyðublöð má finna hér.

- Afleysingum í íþróttahús- og sundlaug 

Umsækjendur þurfa að hafa náð 18 ára aldri, umsækjandi þarf að ljúka námskeiði í skyndihjálp og standast sundpróf laugarvarða samkvæmt reglugerð um hollustuhætti á sund og baðstöðum sem bæði fer fram í lok maí.

Í starfinu felst m.a.

• eftirlit við sundlaug og í baðklefum
• vinna í afgreiðslu bæði í sundlaug og íþróttahúsi
• þrif og önnur tilfallandi verk

Hæfniskröfur:

• jákvæðni og lipurð í mannlegum samskiptum
• frumkvæði og sjálfstæði í vinnubrögðum
• tölvukunnátta
• hreint sakavottorð

Ráðningartímabil: 1. júní - 31. ágúst

Allar fyrirspurnir vegna umsóknar skulu berast á netfangið addi@skagastrond.is. Umsóknareyðublöð má finna hér.

Umsóknarfrestur til og með 26. febrúar. 

(Þess ber að geta að umsóknarfrestur vegna Vinnuskóla og sumarstarfa námsmanna verður auglýstur síðar.)

Sveitarstjóri