Umhverfisdagur Skagastrandar 8. maí nk.

Kæru íbúar

Fimmtudaginn 8. maí kl. 16:00 - 18:00 ætlum við að taka saman höndum og týna rusl í bænum okkar.

Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt.

Margar hendur vinna létt verk.

Við óskum eftir bílum/fjórhjólum með kerru til að taka þátt. Börn eru á ábyrgð fullorðinna. 

Endum svo daginn saman og fögnum góðu verki með grilli á Hnappstaðatúni kl. 18:00. Pulsur og gos í boði.

Gerum fallega staðinn okkar enn fallegri.

Helena Mara, Sigríður Björk og Gígja Heiðrún.