Laust starf - Aðalbókari sveitarfélagsins
Leitað er að áhugasömum og vandvirkum aðalbókara til að starfa fyrir Sveitarfélagið Skagaströnd.
Starfsmaður hefur yfirumsjón með bókhaldi sveitarfélagsins og stofnana þess, sinnir reikningagerð, launavinnslu, afgreiðslu og þjónustu, auk annarra tilfallandi verkefna. Starfsmaður sinnir gerð ársreikninga og fjárhagsáætluna og veitir upplýsingar og ráðgjöf til stjórnenda og starfsfólks sveitarfélagsins.
Um er að ræða 100% stöðu og er æskilegt að viðkomandi geti hafið störf sem fyrst.
Menntunar- og hæfniskröfur
- Háskólamenntun sem nýtist í starfi
- Haldgóð þekking og reynsla af bókhaldi er skilyrði
- Góð íslenskukunnátta er skilyrði
- Góð almenn tölvukunnátta og færni í upplýsingatækni
- Þekking og reynsla af bókhaldskerfinu Dynamics 365 Business Central er kostur
- Framúrskarandi hæfni í mannlegum samskiptum og rík þjónustulund
- Skipulagshæfni og nákvæmni í vinnubrögðum
- Frumkvæði og metnaður til að ná árangri í starfi
Laun eru greidd samkvæmt kjarasamningi Sambands íslenskra sveitarfélaga og viðkomandi stéttarfélags.
Ragnheiður Stefánsdóttir, staðgengill sveitarstjóra veitir frekari upplýsingar um starfið í síma 866 8789 eða með tölvupósti á netfangið sveitarstjori@skagastrond.is.
Umsókn, kynningabréf og ferilskrá skal senda á netfangið sveitarstjori@skagastrond.is. Umsóknarfrestur er til og með 18. júlí næstkomandi.
