Erlingur Hugi Kristvinsson háls,- nef og eyrnalæknir verður með móttöku á Heilbrigðisstofnun Norðurlands á Blönduósi miðvikudaginn 10/10 2018. Tímapantanir í síma 455-4100 milli kl 08:00 og 16:00.

Ardís Ólöf Arelíusdóttir Ardís Ólöf Arelíusdóttir verður jarðsungin frá Hólaneskirkju föstudaginn 5. október klukkan 14:00 Ardís Ólöf var stolt átta barna móðir sem tekið var eftir hvar sem hún kom. Hún var smekkvís og hafði unun af að hafa fallegt í kringum sig eins og blómagarðar hennar báru glöggt vitni um. Óla var ávallt hrein og bein í samskiptum við aðra og fór sínar eigin leiðir ef henni sýndist svo. Um árabil starfaði hún baksviðs með Leikklúbbi Skagastrandar á blómaskeiði klúbbsins sem hvíslari og sminka. Eftir margra ára baráttu við illvígan sjúkdóm hefur þessi sómakona nú kvatt og haldið inn í ljósið þar sem veikindi og verkir þekkjast ekki. Stórri fjölskyldu Ardísar Ólafar er vottuð samúð nú þegar þau ganga gegnum erfiðan tíma.

OPIÐ HÚS // FIMM 27 SEPTEMBER // kl. 16.30 - 19.00 Call in after work and before dinner, to see what our artists from around the globe have been creating this month! ´ Verkefni listamanna september eru m.a.: Listaverk úr plasti sem rekið hefur á fjörur, teikningar af íslenskum fuglum, hönnun skartgripa, ljósmundir, málverk og skúlptúrar, ljóðalestur og heimsfrumsýning á stuttmynd. Fimmtudagurinn 27. september, kl. 16:30-19:00 Danssýning Adelu Filipovic hefst kl. 18:30

Dagana 25. – 26. september 2018 heimsækir biskup Íslands allar kirkjur prestakallsins. Í sveitakirkjunum verður helgistund með hugleiðingu sem frú Agnes M. Sigurðardóttir flytur og í Hólaneskirkju mun hún prédika við messu. Verið öll velkomin. Þriðjudagur 25. sept. Kl. 11.30 BERGSSTAÐAKIRKJA Kl. 12.30 BÓLSTAÐARHLÍÐAKIRKJA Kl. 15.00 HOLTASTAÐAKIRKJA kl. 20.30 HÓLANESKIRKJA Biskup Íslands, frú Agnes M. Sigurðardóttir prédikar, Sr. Bryndís Valbjarnardóttir þjónar fyrir altari. Sr. Magnús Magnússon og sr. Þorvaldur Víðisson lesa ritningarlestra. Organisti, Hugrún Sif Hallgrímsdóttir, kór Hólaneskirkju syngur. Meðhjálpari, Steindór R. Haraldsson. Miðvikudagur 26. sept. kl. 10.30 HÖSKULDSSTAÐAKIRKJA kl. 10.45 HÖSKULDSSTAÐAKIRKJA – Biskup Íslands vígir sögutorg í Höskuldsstaðakirkjugarði. kl. 12.00 HOFSKIRKJA kl. 14.30 Sæborg, dvalarheimili á Skagaströnd. Bryndís Valbjarnardóttir, sóknarprestur

Spákonufellsrétt 1962 Réttað í Spákonufellsrétt haustið 1962. Þá var algengt að fólk á Skagaströnd ætti nokkrar kindur og fjársafnið var töluvert stórt þegar allt var talið saman. Í dag (2018) eru sárafáar kindur í staðnum en svæðið sem Sveitarfélagið Skagaströnd þarf að smala er þó jafn stórt og áður. Áður var oft gaman í Spákonufellsrétt þar sem kvenfélagið seldi réttarkaffi í réttarskúrnum og menn staupuðu sig og voru léttir í lund. Á þessari mynd er Jón Pálsson skólastjóri til hægri. Drengurinn í úlpunni er Jóhannes Pálsson (f. 1951 - d. 23.11.1986) og Ragnheiður Sigurjónsdóttir úr Sunnuhlíð aftan við hann. Aðrir eru óþekktir.

Árleg inflúensubólusetning haustið 2018 Bólusett verður á Heilsugæslustöðinni á Blönduósi Þriðjudaginn 25/9 kl: 13:00-15:00 Miðvikudaginn 26/9 kl: 10:00-12:00 Þriðjudaginn 2/10 kl: 10:00-12:00 Bólusett verður á Heilsugæslustöðinni á Skagaströnd Fimmtudaginn 27/9 kl: 9:00-11:00 Sérstaklega er mælt með að einstaklingar 60 ára og eldri, einstaklingar með langvinna sjúkdóma, heilbrigðisstarfsfólk og þungaðar konur láti bólusetja sig. Þessir hópar fá bóluefnið frítt en þurfa að greiða komugjald.

Landburður af fiski vorið 1969 Landburður af fiski var hjá Arnari HU 1 hafísvorið 1969. Gripið var til þess ráðs að koma í land með aflann óslægðan og landa honum þannig á bryggjuna þar sem slægingagengi tók við og slægði fiskinn sem síðan var fluttur upp í frystihús. Arnar hélt aftur á móti strax aftur á miðin. Slægingarmennirnir á myndinni eru óþekktir en Arnar HU 1 er í baksýn á leið út úr höfninni aftur. Einnig sjást nokkrir ísjakar á reki. Myndin var tekin löngu fyrir alla kvótasetningu á fiski á Íslandsmiðum.

Skagaströnd 13.09.18 Sveitarfélagið Skagaströnd hefur ráðið Alexöndru Jóhannesdóttur lögfræðing sem sveitarstjóra. Ráðningin var staðfest á fundi sveitarstjórnar í gær miðvikudaginn 12. september með öllum greiddum atkvæðum. Alexandra lauk grunnprófi í lögfræði frá Háskóla Íslands árið 2012 en meistaraprófi innan sömu greinar og frá sama skóla árið 2016. Alexandra hefur frá námi starfað m.a. sem lögfræðingur á Fisksistofu ásamt því að hafa yfirumsjón með samningaferlum og sinnt verkefnastjórnun hjá Listahátíð í Reykjavík. Í dag sinnir Alexandra störfum fyrir IP eignarhaldi og er framkvæmdastjóri tveggja félaga undir þeirri samsteypu ásamt því að sitja í stjórnum sjö mismunandi fyrirtækja. Í störfum sínum hefur Alexandra því komið að fyrirtækjarekstri, sinnt almennum lögfræðistörfum m.a. á sviði ráðgjafar, samningagerðar og gerð viðskiptaáætlana. Jafnframt hefur Alexandra sinnt tengslum við samstarfsaðila og viðskiptavini víðsvegar um heiminn. Alexandra hefur unnið að ýmsum félagsstörfum og starfaði lengi sem sjálfboðaliði fyrir Rauða Krossinn. Einnig sinnti hún kennslu og umönnun barna og ungmenna hjá Osaberima Educational Center í Ghana í Vestur Afríku árið 2008. Gert er ráð fyrir að hún hefji störf fyrir Sveitarfélagið Skagaströnd í desember. Nánari upplýsingar gefur Halldór Gunnar Ólafsson Oddviti í síma 896-7977

Foreldrar eða forsjáraðilar námsmanna yngri en 18 ára, sem leigja húsnæði vegna náms fjarri lögheimili, eiga rétt á sérstökum húsnæðisstuðningi vegna barna sinna samkvæmt reglum um sérstakar húsnæðisbætur sem sveitarstjórn hefur samþykkt. Sækja þarf um á skrifstofu Sveitarfélagsins fyrir 20. sept. 2018 Sérstakur húsnæðisstuðningur vegna nemenda skal vera óháðurtekjum og eignum foreldra eða forsjáraðila og nemur 50% af leigufjárhæð. Húsnæðisstuðningur vegna nemenda getur þó aldrei numið hærri fjárhæð en 45.000 kr./mánuði. Með umsókn um slíkan stuðning skal leggja fram húsaleigusamning og staðfestingu á námi barns. Reglurnar í heild má finna á heimasíðunni undir "Samþykktir"