Fundur um ferðaþjónustu verður haldinn á Borginni miðvikudaginn 11. maí næstkomandi kl. 17:15. Dagskrá : Fulltrúar Hólanes ehf kynna áform um byggingu hótels á Skagaströnd Formaður Ferðamálafélags A- Hún segir frá starfsemi félagsins og metur stöðu ferðamála í nágrenni Skagastrandar. Markaðsfulltrúi SSNV mun fjalla um markaðssetningu í ferðaþjónustu Fyrirspurnir og umræður Allir sem hafa áhuga á uppbyggingu ferðaþjónustu eða standa í slíkum rekstri eru hvattir til að mæta og kynna sér málin. Gert er ráð fyrir að fundurinn taki ekki meira en 60 mínútur. Atvinnumálanefnd Skagastrandar

FUNDARBOÐ Fundur verður haldinn í sveitarstjórn Skagastrandar miðvikudaginn 11. maí 2016 kl 0800 á skrifstofu sveitarfélagsins. Dagskrá: 1. Ársreikningur 2015 (seinni umræða) a. Endurskoðunarskýrsla b. Bréf skoðunarmanna c. Ársreikningur sveitarsjóðs og stofnana 2015 2. Staða og horfur í rekstri jan- apríl 2016 3. Gjaldskrá – fjallskilagjöld 4. Umsögn um rekstrarleyfi 5. Lokaskýrsla starfshóps um umhverfismál 6. Bréf: a. Sambands íslenskra sveitarfélaga, dags. 31. mars 2016 b. Tölvubréf Sambands ísl. sveitarfélaga, dags. 19. apríl 2016 c. Hreyfiviku UMFÍ, dags. í apríl 2016 d. Ámundakinnar, 26. apríl 2016 7. Fundargerðir: a. Stjórnar SSNV, 5.04.2016 b. Heilbrigðisnefndar Norðurlands vestra, 28.04.2016 c. Stjórnar Hafnarsambands Íslands, 29.04.2016 d. Stjórnar Sambands íslenskra sveitarfélaga, 29.04.2016 8. Önnur mál Sveitarstjóri

Málningarvinna Jón Örn Stefánsson vinstra megin og Hildur Inga Rúnarsdóttir hægra megin vinna við að mála í smíðastofunni í Höfðaskóla í vinnuviku. Eftir málun var svo smíðað einhvers konar leiktæki úr timbrinu. Að sjálfsögðu eru þau klædd viðeigandi hlífðarfötum - svörtum ruslapokum. Í dag er Jón Örn sjómaður og fiskeldisfræðingur en Hildur Inga er prestur í Þingeyrarprestakalli við Dýrafjörð. Myndin var tekin einhverntíma kringum 1985.

Kvíði barna -Örnámskeið fyrir fagfólk og aðstandendur grunnskólabarna með kvíðaeinkenni- Á námskeiðinu er meðal annars fjallað um:  Eðli kvíða  Helstu einkenni kvíða  Helstu kvíðaraskanir hjá börnum  Hvernig hamlandi kvíði verður til og hvernig hann viðhelst  Hvað foreldrar geta gert til að koma í veg fyrir þróun kvíða  Hvað foreldrar geta gert til að minnka kvíða 　 Námskeiðið er haldið fimmtudaginn 12. maí og hefst kl. 17. Námskeiðið er um tveir og hálfur tími með hressingu. Námskeiðið verður haldið í Blönduskóla. Námskeiðsgjald er 2000 krónur. Tilkynnið þátttöku í tölvupósti til audurh@felahun.is eða fraedslustjori@felahun.is Leiðbeinandi er Ester Ingvarsdóttir sálfræðingur. Ester hefur starfað sem sálfræðingur á Þroska– og hegðunarstöð Heilsugæslu Höfuðborgarsvæðisins og kennt þar á fjölda námskeiða fyrir foreldra og börn, meðal annars námskeiðið Uppeldi sem virkar, námskeið fyrir foreldra barna með ADHD, Snillinganámskeið fyrir börn með ADHD, námskeið fyrir ungar mæður og á námskeiðinu Klókir krakkar sem ætlað er börnum með kvíða og foreldrum þeirra.

Síldarlöndun og síldarsöltun í Skagastrandarhöfn. Ekki er vitað hvenær myndin var tekin en hún er sennilega frá árunum 1935 - 1937. Á þessum tíma var síldinni landað á höndum í tágakörfum eins og sést á myndinni og var það hinn mesti þrældómur fyrir sjómennina. Síldin var svo söltuð undir berum himni hvernig sem viðraði. Hreinlætisaðstaðan var einn tvöfaldur kamar sem var í raun bara lítill skúr með milligerði og setbekk með tveimur götum. Kamrinum var komið þannig fyrir að afurðirnar duttu beint í sjóinn í höfninni. Fólkið á myndinni er óþekkt.

Sveitarfélagið Skagaströnd auglýsir eftir flokksstjórum til starfa í Vinnuskóla sveitarfélagsins í sumar. Skilyrði er að umsækjendur séu 20 ára eða eldri og reynsla af sambærilegum störfum kostur. Umsóknareyðublöð má fá á skrifstofu sveitarfélagsins en umsóknarfrestur er til 12. maí n.k. Umsóknir um störf fyrir námsmenn í framhaldsskólum skulu hafa borist fyrir 30. maí. Fjöldi starfa er takmarkaður og verður unnið úr umsóknum og ráðningartíma stillt upp samkvæmt því. Umsóknareyðublöð má fá á skrifstofu sveitarfélagsins. Skráning í vinnuskóla fer fram á skrifstofu sveitarfélagsins. Gert er ráð fyrir að vinnuskólinn hefji störf um mánaðarmót maí - júní. Nánari upplýsingar eru veittar á skrifstofunni í síma 455 2700. Sveitarstjóri

Nemendur í leiklistardeild Höfðaskóla hafa undanfarna mánuði unnið hörðum höndum að uppsetningu þessa vinsæla söngleiks undir stjórn kennara síns, Ástrósar Elísdóttur. Nemendurnir, sem m.a. leika, syngja og dansa, eru í 8., 9. og 10. bekk. Þessi sami söngleikur nýtur um þessar mundir mikilla vinsælda sunnan heiða, en hér er notast við sama handrit og þar, í glænýrri og frábærri þýðingu Þórarins Eldjárn. Frumsýning verður í Fellsborg á Skagaströnd næstkomandi föstudag, 29. apríl 2016. Sýningatímar: Frumsýning: föstudag 29. apríl kl. 19:00 2. sýning: sunnudag 1. maí kl. 19:00 3. sýning: miðvikudag 4. maí kl. 19:00 ... Miðaverð: Leikskóla- og grunnskólanemar: 1000 kr. Fullorðnir: 2000 kr. Leikarar: Anita Ósk Ragnarsdóttir Benóný Bergmann Birgitta Rut Bjarnadóttir Daði Snær Stefánsson Dagur Freyr Róbertsson Freydís Ósk Kristjánsdóttir Georg Þór Kristjánsson Guðný Eva Björnsdóttir Hallbjörg Jónsdóttir Haraldur Bjarki Guðjónsson Harpa Hlín Ólafsdóttir Jóhann Almar Reynisson Jóna Margrét Sigurðardóttir Kristmundur Elías Baldvinsson Laufey Lind Ingibergsdóttir Lilja Dögg Hjaltadóttir Rebekka Heiða Róbertsdóttir Snæfríður Dögg Guðmundsdóttir Sunna Björg Steingrímsdóttir Valgerður Guðný Ingvarsdóttir Victoría Sif Hólmgeirsdóttir Viktor Már Einarsson

Edda Pálsdóttir Hógværð, prúðmennska og skyldurækni eru orð sem koma í hugann þegar hugsað er til Eddu Pálsdóttur, nú þegar hún hefur lagt af stað í sína síðustu ferð. Vinir hennar minnast Eddu sem trausts vinar með góða nærveru sem alltaf var til staðar fyrir þá í blíðu og stríðu, jákvæð og skemmtileg. Við andlát sitt kallaði hún fram það besta hjá ungmennunum okkar á Skagaströnd sem sýndu þá samstöðu og samhjálp, sem einkennir samfélag okkar þegar á reynir. Edda Pálsdóttir lést 8. apríl og verður jarðsungin frá Hólaneskirkju 23. apríl klukkan 14:00

FUNDARBOÐ Fundur verður haldinn í sveitarstjórn Skagastrandar þriðjudaginn 19. apríl 2016 kl 0800 á skrifstofu sveitarfélagsins. Dagskrá: 1. Fjárfestingar 2016 2. Ársreikningur 2015 (fyrri umræða) 3. Ísland ljóstengt 4. Styrktarsjóður EBÍ 5. Bréf: a. Sambands íslenskra sveitarfélaga, dags. 31. mars 2016 b. Sveitarstjóra Blönduósbæjar, dags. 29. mars 2016 c. Bæjarstjóra Lohja, dags. 29. mars 2016 d. Bryndísar Valbjarnardóttur, sóknarprests, dags. 15. mars 2016 e. Þóreyjar Fjólu Aradóttur, dags. 4. apríl 2016 f. Gígju H. Óskarsdóttur, húsverði íþróttahúss, dags. 29. mars 2016 g. Rúnari og Stefáni Jósefssonum, dags. 10. mars 2016 6. Fundargerðir: a. Tómstunda og menningarmálanefndar, 31.03.2016 b. Vinnufundur hafnar- og skipulagsnefndar, 30.11.2015 c. Heilbrigðisnefndar Norðurlands vestra, 17.03.2016 d. Stjórnar Norðurár bs., 8.05.2015 e. Stjórnar Norðurár bs., 11.09.2015 f. Stjórnar Norðurár bs., 2.10.2015 g. Stjórnar Norðurár bs., 9.10.2015 h. Stjórnar SSNV, 2.03.2016 i. Stjórnar Hafnarsambands Íslands, 24.02.2016 j. Stjórnar Sambands íslenskra sveitarfélaga, 18.03.2016 7. Önnur mál Sveitarstjóri