Það er sannarlega nóg um að vera hjá sveitarfélaginu þessa dagana og vorið komið af fullum krafti á Skagaströnd. Hér kemur smá fréttaskot um það helsta sem hefur verið í gangi – og það sem er framundan: Framkvæmdir Það eru góðar fréttir af framkvæmdum. Vegna hagstæðrar veðurspár hefur malbikunarframkvæmdum verið flýtt og stefnt er að því að hefja vinnu strax mánudaginn 11. maí í stað 18. maí eins og áður var áætlað. Nánari upplýsingar um röð gatna og fyrirkomulag verða birtar um helgina og biðjum við um gott samstarf við íbúa svo að framkvæmdir geti gengið hratt og örugglega.  Sveitarstjórn tók ákvörðun um að malbika fyrir pickleball-velli til hliðar við körfuboltavöllinn við skólalóðina í þeim malbikunarframkvæmdum sem framundan eru. Þar með eignast Skagaströnd fyrsta úti-pickleballvöll landsins! Það verður gaman að sjá hvernig sá vettvangur mun nýtast í sumar.

Fundur verður haldinn í sveitarstjórn Skagastrandar kl. 16:30 miðvikudaginn 6. maí 2026 á skrifstofu sveitarfélagsins að Túnbraut 1-3.

Í Skagstrendingur vikunnar kynnum við til sögunnar íbúa Skagastrandar í stuttum og léttum viðtölum. Markmiðið er að byrja vikuna á brosi, jákvæðni og betri tengingu við fólkið í samfélaginu okkar. Skagstrendingur vikunnar er Valtýr Sigurðsson!

Flotbryggjurnar á smábátahöfninni urðu fyrir hnjaski í veðrinu sem gekk yfir í lok mars. Í gær fengum við heimsókn frá köfurum sem að skelltu sér í sund og skiptu um lása og strekktu á keðjum. Eru bryggjurnar því báðar komnar í hið fínasta stand fyrir sumarvertíðina í tæka tíð fyrir strandveiðarnar sem

Það fer að líða að sumarlokun í félagsstarfinu í Fellsborg en síðasti dagur verður 7. maí. Vegna óviðráðanlegra aðstæðna verður því miður ekki hægt að fara í vorferð eins og áætlað var en við stefnum á hressandi haustferð við upphaf félagsstarfsins eftir sumarlokun. Ef einhverjar spurningar vakna er hægt að hafa samband við undirritaða.

Því miður er veðrið að stríða okkur næstu daga og of kalt til þess að malbika.