Dagana 17. og 18. ágúst 2019 verður þess minnst í Skagabyggð og á Skagaströnd að 200 ár eru liðin frá fæðingu Jóns Árnasonar landsbókavarðar og þjóðsagnasafnara en hann fæddist að Hofi í Skagabyggð 17. ágúst 1819.

Réttir Food Festival er haldið í fyrsta skipti á Norðurlandi vestra dagana 16. – 25. ágúst. Veitingahúsaeigendur og framleiðendur standa að þessari flottu matarhátíð.

Við Höfðaskóla er laus 75% staða. Í starfinu felast þrif að hluta, gæsla og stuðningur í frístund.

Gunnar Albertsson lést 27. júlí sl. Hann verður jarðsettur frá Hólaneskirkju klukkan 14:00 föstudaginn 9. ágúst. Fagmaður og trúr yfir því sem honum var treyst fyrir lýsa Gunnari Albertssyni vel.

Í nokkur ár upp úr 1990 var Bjarnhildur Sigurðardóttir (d.22.4.2016) skemmtanastjóri í veitingahúsinu Kántrýbæ á Skagaströnd.

Teiknuð mynd af bænum Brúarlandi eins og hann leit út 1906.

Þann 25. júlí sl. kom Siguróli Kristjánsson eða Moli í heimsókn á Skagaströnd þar sem hann hélt fótboltaæfingu fyrir krakkana okkar. KSÍ hefur verið á ferð og flugi í vikunni með Grasrótarverkefni KSÍ - Komdu í fótbolta. Viðtökurnar voru mjög góðar og var gaman að sjá hversu vel krakkarnir tóku í þessa skemmtilegu heimsókn.

Í gær var lokið við hluta af uppsetningu á nýjum flotbryggjum fyrir minni báta hér á Skagaströnd. Um uppsetningu sá Kristján Óli Hjaltason eigandi Króla ehf. ásamt fríðum flokki manna.

Landsbankinn auglýsir laust til umsóknar 50% starf við almenna afgreiðslu bankans á Skagaströnd

Pása í blíðunni eftir vel unnið starf við þökulagningu á 4. braut á Háagerðisvelli í ágúst 1993. Frá vinstri: Adolf H. Berndsen, Dagný Sigmarsdóttir, Soffía Pétursdóttir, Vilhelm Jónsson, Eygló Gunnarsdóttir, Guðmundur Kristinsson, Guðmundur Ólafsson og Ingibergur Guðmundsson.